Hinatulang guilty ng Malolos Regional Trial Court Branch 15 sa salang kidnapping at serious illegal detention si Retired Army Major General Jovito Palparan.
Ito ay kaugnay sa pagkawala ng dalawang University of the Philippines (UP) students na sina Karen Empeño at Sherlyn Cadapan noong 2006.
Kasama rin sa mga hinatulan ang dalawa pang kapwa akusado ni Palparan na sina Lieutenant Colonel Felipe Anotado at S/Sgt. Edgardo Osorio.
Habang buhay na pagkakabilanggo ang parusang ipinataw laban sa tatlo habang inatasan din silang magbayad ng kabuuang tig-P300,000 na danyos.
Mahigpit naman ang seguridad na ipinatupad ng mga awtoridad sa labas ng Malolos RTC kung saan nagsagawa rin ng pagkilos ang ilang militanteng grupo.
Sitwasyon sa labas ng Malolos RTC kung saan hinatulang guilty si Palparan at 2 pang kapwa akusado sa kasong kidnapping at serious illegal detention. | via @jaymarkdagala pic.twitter.com/ZhJZX0Irl9
— DWIZ Newscenter (@dwiz882) September 17, 2018
Nanindigan ang mga hukom na ikulong sina Palparan, Anotado, at Osorio sa New Bilibid Prison (NBP) sa kabila ng hiling ng kampo nito na i-detine ang tatlo sa Fort Bonifacio sa Taguig.—AR
PANOORIN: Paglabas ni Retired Major General Palparan at 2 pang kapwa akusado sa Malolos RTC matapos na hatulang guilty sa kasong kidnapping at serious illegal detention | via @jaymarkdagala pic.twitter.com/z6g0jBolls
— DWIZ Newscenter (@dwiz882) September 17, 2018
(May Ulat mula kina Jaymark Dagala at Jill Resontoc)