Itinuturing ng Malakanyang na walang halaga ang isinampang reklamo laban kay Chinese President Xi Jinping sa International Criminal Court (ICC).
Ayon kay Presidential Spokesperson Salvador Panelo, walang jurisdiction ang ICC sa china kaya mabibigo lamang aniya ang inihaing reklamo nina dating Foreign Affairs Secretary Albert Del Rosario at dating Ombudsman Conchita Carpio Morales laban kay Xi.
Aniya, mababasura lamang ang nasabing kaso dahil hindi miyembro ng ICC ang China at maging ang Pilipinas ay kumalas na dito.
Dagdag ni Panelo, maaaring may karapatan sina del rosario at morales na magsampa ng kaso laban kay Xi sa ICC bilang mga indibidwal na nakakapansin ng mga paglabag ng China lalo na usapin sa South China Sea.
Gayunman, hindi maaaring katawanin nina Del Rosario at Morales ang Pilipinas sa paghahain ng reklamo.