Iriga City – Nangapudan nin desinte asin high level na sistema sa pagkampanya sa saiyang mga kalaban sa politica si Vice Gov. Imelda Papin.
Ini kasunod kan mainit na ngunian na riribayan nin malalanit na tataramon sa mga naglalaban na politico sa probinsya, kun sain siya malaban man sa kargong gobernador sa 2022 national and local elections.
Tinaw’an nin duon kan Vice Governor na an kaipuhan ngunian iyo an pag-presentar nin maray na plata porma asin padagos na pagtao nin magayon na serbisyo sa namamanwaan.
Kaipuhan na igilid na nguna an mga “fake news” na minaraot sa kapwa kandidato na dai man pakikinabangan kan mga botante.
Sinabi ni Papin, na mayo siya nin raot boot sa kampo kan mga Villafuerte na saiyang naka-ibahan kan nagtalikod na eleccion asin an saiyang pagsunad nin kandidatura sa sunod na eleccion tanganing igua nin pagpilian an namamanwaan na madara nin pagbabago sa camarines sur.
Kinompirmar pa kan opisyal na si dating Senador Bong-Bong Marcos an saiyang dadarahon na president, asin igua siya nin mga aadaptaron na kandidato sa lambang banwaan saro na digde sa cuidad nin Iriga.
