Iriga City – Maugong na ngunian sa apat na kanto kan Camarines Sur an soboot mangyayaring substitution sa kandidatura ni dating Vocal Banez asin an masalida sa saiya iyo an dating kongresista kan primer distrito kan Camarines Sur na si Rolando “nonoy”Andaya.
Iyo ini an inaabangan kan mga suportador kan oposisyon asin magin kan mga kaalyado ni Villafuerte, huli ta ciertong magkakaigua nin magabat na laban na kun sain nadaog si Andaya kan nagtalikod na eleksyon ni Villafuerte nin sobra sa 5 mil na boto.
Pinaglalaoman pa na magigin sentro kan labanan an rinconada area kun sain digde man an balwarte kan mga Villafuerte, alagad may magabat man na kalaban sa kargong kongresista si Mayor Madel Yorobe Alfelor.
Maski an mga darakulang politico sa Camarines Sur, nagtutubod na gagamiton ni Andaya an substitution na nakatalaan sa mabot na petsa 15 kan bulan na presente.
Kun arog kaini, an mangyari posibli man na magsalida sa juven na Villafuerte an saiyang ama na ngunian kongresista kan ika-duwang distrito na si Cong. Lray Villafuerte kan Camarines Sur.-Abangan!
