Iriga City – Kasado na an Casureco 3 caravan sa maabot na sabado, na may katuyuhan na ipamati an makusog na pagkontra sa paglaog kan bicol light and power na boot man makakua nin frankisa sa pagpabakal nin koryente sa coverage area kan rinconada.
An bicol light and power kun magigirumduman naghahagad nin congressional franchise na ngunian presenti ng pinagdadangog duman sa senado sa Comm. On Energy.
Sigun sa pahayag ni Ms. Ann Rochi-Iraola, opisyal na parapahayag kan casureco 3 na masikad an saindang caravan duman sa primer distrito kan camarines sur kasabay kan saindang mga tugang na Electric Coop na nakikisumaro sa saindang krusada laban sa take over kan Bicol Light and Power.
Si Rochi-Iraola, nagpahayag na kun kasu-arin nagrarahay na an operasyon kan casureco 3 saka man agresibo an Bicol Light sa paghagad nin frankisa.
Nagtutubod pa si Iraola na posibling nalaog na nin politika an nasabing isyu, mientras na paparani an eleccion asin an padrino kan Bicol Light and power iyo mismo si Cong. Lray Villafuerte kan Segundo distrito.
Iikoton kan caravan an bilog na probinsya na pinaglalaoman sasabayan kan mga empliyados hali sa mga electric cooperative.