Nagpadayon ang Task Force Alambre sa pagtangtang sa nagbitay, wala nay gamit ug nagkagubot nga mga utility cables atol sa clearing operation niadtong nilabay nga adlaw sa dapit sa Dipolog Rotonda duol sa Jollibee, Dipolog City.
Gipangulohan sa Office of the Building Official ang maong operasyon isip kabahin sa padayong programa sa City Government of Dipolog sa paglimpyo sa mga dagkong dalan ug main thoroughfares sa siyudad.
Gitumong sa cable clearing ang pagwagtang sa mga kable nga mahimong makababag o makahatag og peligro sa mga motorista ug pedestrian, samtang gipahapsay usab ang dagway sa mga dalan.
Pinaagi sa padayong operasyon sa Task Force Alambre, gipaningkamotan sa City Government of Dipolog nga mapadayon ang mas luwas, limpyo ug organisadong palibot alang sa mga residente ug mga mogamit sa dalan.(JENIFFER JR. DELICA)
Source: Dipolog City Government