Tagpasabot ni City Councilor Atty. Jex Bayana, Incident Commander nan Surigao City ICS on CoViD-19 na magbilin sanan padajon na ipaimplementar an strikto na pag Home Quarantine o jaon pagcordon/pag-isolate o paglahi sa mga taghuy-an nan mga nag positibo, suspect o probable sa infection nan corona virus disease, ini bisan sa Memorandum Circular ni Gov Lalo Matugas na wayaon na an Granular Lockdown.
Laong ni Atty Bayana na base sa EO No. 60 ni Surigao City Mayor Estong Matugas, tagdeligahan an mga barangay sa pagtino kun angayan ba na i-cordon jadton mga panimayay na tagtoohan may infection sa corona virus.
Dugang pa ni Atty. Bayana na nagtoo sila sa ciudad na epektibo kontra pagkanat nan infection sa corona virus an pag-isolate o paglahi sa mga lugar na may isyu sa COVID-19.
(Jhino Parrucho, Ronda 10, RPN DXKS Surigao)