29.9 C
Manila
Tuesday, April 23, 2024

Girespondehan Mismo Ni Governor Kaka Bag-Ao Ang Nahitabong Sunog Sa P-5 Bongbong, Brgy. Cuarinta, San Jose

- Advertisement -

Girespondehan mismo ni Governor Kaka Bag-ao kauban ang mga hepe sa buhatan Provincial Health Office (PHO), Provincial Social Welfare Development Office (PSWDO), Provincial Environment and Natural Resources Office (PENRO-LGU), Provincial Community Affairs Office (PCAO), Provincial Cooperative Development Office (PCDO), Provincial General Services Office (PGSO), Provincial Information Office (PIO) lakip na ang Bureau of Fire Protection (BFP) ug Philippine National Police (PNP) ang nahitabong sunog sa P-5 Bongbong, Brgy. Cuarinta, San Jose sa bandang alas 10 sa kabuntagon karong adlawa, 04 November 2020.

Anaa usab ang presensiya ni Mayor Yngwie Hero Ecleo inubanan sa mga personahe sa San Jose Municipal Disaster Risk Reduction and Management Office (MDRRMO).

Basi sa saysay sa usa sa nasunugan nga si Vilma M. Fabiano nga kalit lamang nga adunay nadungong nga nibuto sa taas nga parte sa ilang panimalay ug sa ilang pagsusi niini nagdilaab na ang kalayo ug dali kaning nikuyanap hinungdan nga nangayo na sila ug tabang sa ilang mga silingan.

Usa ang daling pagresponde sa mga personahe sa Kapitolyo sa akto nga panghitabo ang usa sa nakatabang ug dako sa mga apektadong residente diin direkta niining nahatag ang mga nag-unang panginahanglanon.

Isa na niini ang paghatag ug pasiunang pagtambal sa mga nasamdan ug kahimtang sa kapiskay sa ilang panglawas pinaagi sa PHO.

Inisyatibo usab sa bayanihan sa mga personahe sa PENRO-LGU, PCDO, PCAO, ug Provincial Engineering Office (PEO) nga nagtabang sa pagkabo ug tubig alang sa pagpalong sa kalayo.

Paghatag ug financial assistance, food packs or relief goods, ug uban pang mga gamit sa panimalay nga ilang magamit sa pangadla- adlaw. Gisiguro usab sa PSWDO nga mahatag dayon ang uban pang panginahanglanon niini sama sa pagtabang sa paghikay sa ilang mga dokumento nga naapil sa sunog.

Gisiguro usab sa Provincial Government sa pagpanguna ni Governor Kaka Bag-ao nga makasalig ang mga indibidwal nga apektado sa sunog nga dili sila pasagdaan sa gobyerno.

Si Gov. Kaka mismo ang nagdumala ug nagtabang sa pagmando sa mga angayan nga buhaton sa nahitabong sunog diin aktwal usab niini gistorya ang Dinagat Islands Electric Cooperative (DIELCO) nga ipasiguro niini nga adunay gihimong check-up sa mga linya sa kuryente aron wala nay mahimong sunog.

Gidala ang mga apektadong pamilya sa Provincial Governor’s Office aron istoryahon ni Gov. Kaka alang sa ilang mga panginahanglanon.

Dugang usab niini giandaman usab sila ug pagkaon alang sa ilang paniudto kay ang kasagaran kanila wala pay kaon tungod sa panghitabo.

Sa dugang, aron mapadali ang pag-ayo sa ilang panimalay nihatag usab ug mga gamit ang PEO isip tabang alang sa pagtukod balik sa ilang panimalay.

Sa laing bahin, gipatawag ni Gov. Kaka ang School Principal sa Mahayahay Elementary School kung diin nag-eskwela ang mga anak sa hingtungdan sa sunog aron matubag niini ang mga concern sa estudyante nga nabalaka usab sa iyang module.

Makita ang daling aksyon sa Provincial Government sa nahitabong sunog nga nagpakita kini sa maayong pagserbisyo sa katawhan sa panahon sa disaster ug unsa pa ang mga gikinahanglan aron mapadayon ug mapahalapdan pa niini ang buluhaton sa pagtabang sa maayong komunidad sa Dinagat Islands. Kinahanglan may kalabutan sa disaster response ang good governance. Kung adunay good governance sa pagtubag sa mga katalagman, dili ra dole out o dili ra hangtud sa cash assistance ang ihatag sa survivors sa katalagman. Gihatagan usab sila ug kakayahan nga makabakod pag-usab pinaagi sa nagkalain-laing aspeto: gikan sa pagtabang nga mabarog pag-usab ang panimalay hangtud socio-economic assistance ug hangtud sa pagtubag sa mga panginahanglanon pag-abot sa edukasyon, pagkuha sa mga importanting dokumento nga nawala sa sunog, ug uban pa aron mahatagan ug paglaom nga makabakod pag-usab.

- Advertisement -

Leave a Reply

- Advertisement -

Related Articles

- Advertisement -
- Advertisement -

Latest Articles

- Advertisement -