Hirit na roll back sa pasahe ng isang grupo isasalang sa pagdinig sa LTFRB

Isasalang na sa pagdinig ng Land Transportation Franchising and Regulatory Board (LTFRB) ang hirit na roll back sa pasahe ng isang commuters group sa susunod na linggo.

Ayon sa LTFRB, kanilang itinakda sa Martes, Disyembre 4, ganap na alas nuwebe ng umaga ang pagdinig sa petisyong humihiling na maibalik sa P8 ang minimum na pamasahe sa mga pampasaherong jeep.

Magugunitang, matapos aprubahan ng LTFRB ang P10 minimum fare sa jeepney noong Oktubre 17, naging sunod-sunod naman ang roll back sa presyo ng mga produktong petrolyo.