Higit 40,000 OFWs inaasahang uuwi ng Pinas ngayong Mayo

Nasa higit 40,000 mga Overseas Filipino Workers (OFWs) ang inaasahang uuwi ng Pilipinas ngayong buwan.

Ayon kay Labor Sec. Silvestre Bello III, posibleng umuwi na ang mga OFWs na nawalan ng trabaho dahil sa COVID-19 ngayong Mayo hanggang Hunyo.

Aniya, una nang natulungang makauwi ng Department of Labor and Employment (DOLE) ang nasa 27,000 OFWs na nawalan ng trabaho sa ibang bansa.

Aniya, tinutulungan din ng DOLE ang ilan pang mga OFWs na nasa Pilipinas ngunit hindi makaalis ng bansa dahil sa umiiral na quarantine.