Halos P2-M ang ipinaabot na tulong ng PNP sa mga apektado ng lindol sa Mindanao

Nagpaabot ng tulong ang pamunuan ng Philippine National Police (PNP) sa mga biktima ng sunod-sunod na pagyanig sa Mindanao.

Ibinigay ni PNP OIC Police Lieutenant General Archie Gamboa ang nasa halos P2-M halaga ng relief goods sa mga pamilyang naapektuhan sa Region 12.

Bukod dito, nagsagawa rin ng inspeksyon ngayong umaga ang PNP sa mga pasilidad sa Makilala, Cotabato na nasira ng pagtama ng mga paglindol sa naturang lugar. — ulat mula kay Jill Resontoc (Patrol 7)