Miabot na og sobra sa 14,000 ka tawo sa Central Visayas nga sagad taga dakbayan sa Sugbo ang nataptan sa coronavirus disease o Covid 19 hangtod sa miaging adlaw.
Segun sa data nga gipagawas sa Department of Health o DOH-7 kagabii, ang kinatibuk-ang kaso sa rehiyon mitungtong na sa 14,209 human madugangi og 307.
Sa bag-ong mga hitaptan, 147 ang gikan sa Cebu City hinungdang mitala na kini og 8,302 ka kaso; 65 usab ang bag-o sa probinsiya busa nahimo nang 2,669 ang tanan; ang Mandaue City napun-an og  45 hinungdang miabot na og 1,555 ang tanan; 36 usab ang nadugang sa Lapulapu City busa nahimo nang 1,530 ang tanan; ug 14 sa Negros Oriental hinungdang mitala na kini og  82 ka positibo sa Covid 19.
Samtang ang lalawigan sa  Siquijor nagpabiling luwas sa maong balatian.
Namatikdan nga naa gihapoy kalainan ang data sa Covid 19 sa mga LGUs o local government units ug sa DOH-7.
Una niini, mireport ang gobyerno sa Mandaue og 19 ka bag-ong kaso hinungdang mitungtong na sa 1,511 ang tanang nataptan sa virus samtang si  Mayor Junard Chan mianunsyo og dugang 37 ka new cases sa Lapulapu.
Nasayran nga halos katunga na lang sa kinatibuk-ang gidaghanon sa mga gipang-covid sa rehiyon 7 ang aktibo . I via Jhon Tadlip/ JTY Â
