Nasikop sa hini-usang pwersa sa RIU12, PNP-IG, CIT-GENSAN, CIU GSCPO, IDMU GSCPO, PIT North Cotabato ug Magpit Municipal Police Station ang usa ka ulitawo nga adunay kasong murder kon pagpatay.
Pinasikad sa gahom sa warrant of arrest nga bitbit sa mga kapulisan, sa Prk.5, Brgy. Noa, Magpit, North Cotabato
Giila ang dinakpan na si Marjune Confessor Tuario, 19-anyos, residente sa Prk. San Roque, Brgy. Labangal ning syudad sa Gensan.
Na kung asa pirmado ang maong warrant of arrest ni Presiding Judge Hon.Renato Vero Tampac nga nakabase sa Branch 59, RTC, 12th Judicial Region ning syudad niadtong Oct. 21, 2021, og walay girekominda na pyansa ang korte batok sa maong dinakpan.
Kahibaloan usa sa gitudlo si Tuario nga nahilakip sa pagpatay sa usa ka gwardya nga naila sa pangalang Thing Makatimbel Sandiego kaniadtong July 14,2021 sa container yard sa Brgy.Labangal.
Sumala pa sa kapulisan membro matud pa ang nahisgutang dinakpan sa usa ka Criminal Group nga nagalihok diri sa syudad sa Gensan na mao ang Don-Don Robbery Hold-up Group.
Wala na mipalag ang suspek dihang giduol siya sa kapulisan para dakpon ug kasamtangan na siyang nakabilanggo sa Magpit Municipal Police Station.