General Santos City – Nasikop sa mga personahe sa Civil Security Unit kon CSU sa GenSan ang usa ka sawa sulod sa compound sa City Social Welfare and Development Office kon CSWDO Enero 3 sa gabii. Sa pakighinabi kang Ariel Liwag, personahe sa CSU, ikapila na niyang nakit-an ang sawa atol sa iyang pagtuyok sa lugar kaniadto pang Disyembre 2021.
Aduna na matod pay higayon nga nasikop ang sawa pinaagi sa pagmontar og laang apan nabuslot matod pa ang fish net nga ilang gamit hinungdan nga nakaikyas kini ug mitago likod sa gambalay sa 4Ps.
Adunay gitas-on ang sawa nga gibanabanaang lima hantod unom oa metro ug gitambukon nga daw sa paa sa tawo. Padayong saysay ni Liwag nga posibleng mga iring ug ilaga ang kinaon sa nasampit nga mananap hinungdan nga midako kini pag-ayo.
Temporaryong gipriso sa ginamang laang sa CSU ang nasikop nga sawa dayon gikuha sa City Environment and Natural Resources Office kon CENRO alang sa hamtangan sa nasikop ug sa pag-ila sa liwat sa nahisgutang ihalas.
