South Cotabato – Walay angayang kabalak-an ang mga residente sa probinsya sa South Cotabato sa mga report bahin sa kakulangan sa supply sa paracetamol tungod igo matud pa ang supply sa uban pang branded ug generic nga paracetamol gawas lang sa produkto sa Unilab nga aduna gyoy kakulangan.
Matud ni South Cotabato Pharmacist Association President Minette Cerbo aminado man ang Unilab tungod sa demand sa Luzon area ug nadelatar ang delivery tungod sa bagyo nga Odette sa nakalabayng semana.
Apan matud ni Maam Cerbo may muabot nga daghang supply sa paracetamol nga iyaha sa Unilab sa South Cotabato .
Gikumpirma usab niini nga ayha nagpasko, may shortage na sa supply sa Biogesic, Bioflu, Decolgen, Neozep, Symdex, Tuseran Solmux ug uban pa nga mga tambal sa pipila ka botika sa probinsya.
Ang problema lang nila matud ni Cerbo mao ang pagka- brand conscious sa pipila nila ka kustomer nga kung isipon pareho lang matud pa epekto bisag bastante ang supply sa ubang brand sa paracetamol.
