General Santos City – Nagtingkagol sa prisohan ang usa ka lalaki nga nagsakay og minivan human nasakpan sa akto nga nagbiyahe nga nagdala og P1.6 milyones nga kantidad sa peke nga sigarilyo sa checkpoint sa AFP/PNP sa National Highway sa Barangay Poblacion, Libungan, Cotabato niadtong Disyembre 3, 2024.
Sa report, samtang nagpahigayon og anti-criminality checkpoint ang mga personahe sa Regional Special Operation Group 12 ug Libungan Municipal Police Station sa nahisgutang lugar, ilang gipahunong ang usa ka puti nga mini van aron regular nga susihon ug dihang giablihan sa drayber ang pultahan niini.
Ilang nakita sa mga pulis ang mga pundok sa mga kahon sa sigarilyo. Sa pagpangita sa katugbang nga mga dokumento sa mga sigarilyo, wala nay nakit-an ang drayber nga giilang si alyas “Danilo” nga taga Barangay Dagumba-an, Maramag, Bukidnon.
Gibanabana nga ang kinatibuk-ang balor sa 813 reams sa (red) Molton cigarettes, ug 680 reams sa (white) Molton cigarettes ang nasakmit sa mga awtoridad.