Isolated case lang ang ASF sa usa ka purok sa GenSan ug kini contained na.
Kini ang giklaro ni Chester Warren Tan, National President sa Swine Producers Association of the Philippines nga wala una nila gipagawas ang balita kalabot sa pagkapositibo sa ASF sa mga binuhing baboy sa purok San Lorenzo, Brgy. Apopong tungod gisulbad una ang problema, pinaagi sa culling.
Mokabat sa 508 ka baboy ang gi-culling ug diretso nga gilubong human ma-disinfect aron nga mapugngan ang pagkatag sa virus.
Sa karon, bisan na-contained na dili lang gihapon magkumpyansa ug magtibangay ang tanan aron dili na masudlan pa sa ASF ang GenSan, kinahanglang pahugtan ang ASF checkpoints.
Sa karon nagpabilin pa sa green zone ang GenSan ug padayun pa gihapon nga nagasuplay og buhing baboy sa Luzon tungod luwas usab sa ASF ang mga piggery farm sa dakbayan.