Sarangani Province – Ang mga personahe sa Provincial Community Affairs Development Unit nga gipangulohan ni PCPT MA. GUSCEL L ANDRADA, FJGAD Officer ug PSMS Ivy R Gadugdog, WCPD PNCO mipahigayon og information dissemination sa mga tinun-an sa Grade 7 ug Grade 12 sa Kawas National High School sa Barangay Kawas, Alabel Sarangani Province.
Ang team nagpahigayon og mga lecture bahin sa Safe Spaces Act, Social Media Tips ug Anti-Illegal Drugs.
Ang nasangpit nga aktibidad subay sa ika-30 nga National Crime Prevention Week nga adunay tema, “Kabataan Tara na, Sa Crime Prevention Kaisa ka”. Ang Presidential Proclamation No. 461 nga giisyu niadtong Agosto 31, 1994, nga nagdeklarar sa unang semana sa Septiyembre matag tuig isip National Crime Prevention Week.
Kini nga deklarasyon nagtumong sa pagpalambo sa kahibalo ug panaghiusa sa atong mga paningkamot sa pagpugong ug, labing maayo, pagwagtang sa mga kriminal nga kalihokan. (Rem C. Agdon)
(Source: SPPO)