DAVAO DEL NORTE – Patay ang usa ka dispatcher human kining gipusil sa Tagum Overland Transport Terminal (TOTIT), Brgy. Magugpo West, Tagum City.
Giila sa Tagum PNP ang biktima nga si Alyas “John-John”, usa ka dispatser ug residente sa RTU, Brgy. Apokon, Tagum City.
Sumala sa report, mipalit ang biktima sa usa ka tindahan kung asa nahitabo ang insdente dihanh giduol kini sa wamailhing suspek ug gipusil nga nahimong rason saiyahang hinanaling kamatayon.
Dugang niini, atol sa crime scene nakuha sa Davao Norte Provincial Forensic Unit (DNPFU) ang lima (5) ka mga basyo sa bala ug duha (2) ka mga balinis nga gituohang sa .45 caliber pistol.
Sa karon, nagpadayon pa ang imbistigasyon sa kapulisan mahitungod sa insidente.(Camille Santos Naraga)(Source: Tagum PNP)