General Santos City – Mag- live in partner, nakaplagang patay sa Prk Maleng, Brgy. San Jose
Giila sa Fatima Police Station ang mga biktima nga sila Jennipher Vicente Diamel, 30 anyos, 5 ka bulan nga buntis og si Kion Daryo, 33 anyos,
5 ka bulan nga live in sa Prk. Maligaya, Brgy. San Jose.
Sumala pa nga kagahapong adlawa, alas 4 sa hapon, adunay 2 ka lalaki sakay sa sakyanan ang gapangita kay Kion Daryo, aduna matud pa kini dala nga warrant of arrest apan walay mapakita hinungdan nga wala nikuyog si Kion kanila.
Milabay ang pipila ka oras nilakaw ang mag live in apan wala damha sa duha nga balikan sila sa mga lalaki. Matud pa nga adunay nakasaksi nga gisulod ang mag live in sa sakyanan og sugod niini, wala na naka uli ang duha.
Base sa impormasyon sa kapulisan, aduna matud pay mga indibidwal nga gaehersisyo sa maong area og nakaplagan ang patayng lawas sa mag live in.
Nasayran usab nga kanhing piniriso si Kion sa kasong pagpatay apan na-dismiss na.
Sa kasamtangan, padayun pa ang imbestigasyon sa mga otoridad.
