General Santos City – Arestado ang lima katao human ang gipahigayong buy-bust operation nga miresulta sa pagdismantle sa usa ka drug den sa Superville Subdivision, Prk. 31, Brgy. Lagao ning dakbayan sa gensan milabay ng adlaw, Pebrero 8, alas 11 pasado ang takna sa gabii.
Ang maong operasyon ang gipahugayon sa PDEA Sultan Kudarat province office, PDEA RSET, PDEA SarGen, GSCPO-drug enforcement unit ug police station 3.
Ang mga dinakpan ang nailing sila si Brad Joshua Del Rosario, Zipporah Reys, Giselle Abacacial, Francis Faeldonio ug Jasper Cadeliña nga samang mga high value target.
Nakuha gikan sa posisyon sa mga dinakpan ang upat ka sachet sa gituuhang shabu nga anaa sa onse ka gramo ingon man managlahing drug parahernalia.
Sa karon ang mga dinakpan ang anaa sa kustudiya sa police station 3 ug ginahikay na ang kasong pagsupak sa Sec. 5, 6, 7, 11 ug 12 sa R.A. 9156.
(Source: PDEA 12)
