Sultan Kudarat – Paslak sa prisohan ang 25-anyos nga lalaki nga giilang Top 8 Regional Most Wanted Person human kini masikop sa operasyon sa kapulisan sa Purok Pag-Asa, Brgy. Tual, Presidente Quirino, Sultan Kudarat bag-ohay lamang.
Si Police Colonel Christopher M Bermudez, Provincial Director sa Sultan Kudarat Police Provincial Office, niila sa nasikop nga suspek nga si alyas “Keven”, 25-anyos, batan-on, ug residente sa nahisgutang lugar.
Si Keven gidakop sa hiniusang pwersa sa Presidente Quirino Municipal Police Station, Regional Special Operations Group 12, 1202nd RMFB12, 1st SKPMFC, CIDG 12 Sultan Kudarat, ug Highway Patrol Group, pinaagi sa usa ka Warrant of Arrest alang sa kaso nga 2 Counts of Paglugos nga walay katugbang nga piyansa. (Giovanni Pasco)