Surigao City – An Coast Guard Station Surigao del Norte, pinangulohan ni CG ENS JERICK E. MAGLANGIT, nihatag ug tabang sa pagdiskarga ug pagkarga sa mga food packs sa pamilya sa DPWH Area Equipment Service/Equipment Depot, Bernadette Village, Brgy Luna, Surigao City.
An tumong niini nga mga benepisyaryo sa maong mga food packs amo an mga pamilya nga grabeng naapektuhan sa bag-ohay nga low-pressure area nga nibanlas sa mga probinsya sa Agusan del Norte, Agusan del Sur, ug Surigao del Sur.
Kini nga humanitarian nga paningkamot gisugdan subay sa isa ka hangyo alang sa tabang gikan sa DSWD Field Office CARAGA, nga nangayo ug augmentation sa 100,000 ka food packs gikan sa National Resource Operation Center (NROC).
Aktibo isab nga nalambigit niini nga misyon ang mga personahe gikan sa CGLU-NEM, CGWCEISC-NEM, SOU-NEM, MSSU-NEM, MEPFORCE-NEM, CGSS Lipata, CGMT San Franciso ug CGMT Surigao City.
Isip resulta sa ilang hiniusang paningkamot, mikabat sa 3,400 ka food packs an malampusong nadiskarga ug nakarga, andam nga ipang-apod-apod sa mga nanginahanglan.
An Coast Guard Station Surigao del Norte komitado sa pagserbisyo sa komunidad ug paghatag og suporta sa panahon sa kalisdanan. (Ronda 21 Mark James Lisondra, photo courtesy of Coast Guard SDN)