General Santos: Lalaki gitigbas-patay, suspek dakpan

0
91

Glan, Sarangani Province – Arestado ang usa ka lalaki kansa suspek sa pagpanigbas patay sa biktimang si Herald Cris Young Masalon, 28 anyos, residente sa Purok Lapu-lapu Street, Barangay Big Margus, Glan Sarangani Province nga nahitabo niadtong adlaw nga Domingo, alas 10:00 ang takna sa gabie, didto mismo sa maong lugar.

Visit RPN DXDX General Santos

Ang dinakpan nailang si Arnel Lumayal Matindo, 21 years old, ug residente sa Purok Pangi, Brgy. Margus, sa susamang munisipyo.

Sa inisyal nga imbistigasyon nasuta nga natigayon ang dili pagsinabtanay tali sa suspek ug sa biktima nga misangko sa pagpanigbas.

Paspas nga gidala sa Glan Medicare Community Hospital ang biktima apan gireklarang dead on arrival.

Paspas usab nga naghimo ug hot pursuit operation ang Glan PNP batok sa suspek nga miresulta sa pagkasikop niini. Ang nasangpit anaa na karon sa Custodial Facility sa Glan Municipal Police Station ug giandam na ang kasong murder nga posibleng  atubangon sa nasangpit nga suspek. (John Rey Somido)

Leave a Reply