Malampusong gipahigayon ang resbakuna immunization kontra covid-19 sa mga nag edad og 5 ngadto 11 anyos nga mga bata sa munisipalidad sa Lugait nga gipangunahan mismo sa panggamhanang probinsyal sa Kapitolyo kon asa gipahigayon kini sulod sa gymnasium, adlawng Martes, Marso 22,2022.
Daghan ang mga kabataan ang misalmot sa kalihukan gani apil mga walk-in nag handom nga sila maapil sab nga mabakunahan kon diin mi-target ang buhatan sa Provincial Health Office sa pagpanguna ni PIATF Chief Dr. Jerie Calingasan og 500 ka bata nga mabakunahan sa susamang adlaw.
Mikabat sa 423 doses sa reformulated Pfizer Vaccine ang nahatag sa mga kabataan sa Lugait. Dunga sa ilang pagpabakuna libre sab nga gihatag kanila ang pagkaon gikan sa buhatan sa PSWDO sama sa champorado, arozcaldo, snacks, Jollibee ug uban pang mga pahalipay alang kanila.
Kanunay nga gilantaw ni Gobernador Bambi Emano nga mahatagan og proteksyon ang katawhan sa lalawigan labina mga kabataan nga maprotektahan batok Covid-19 ug kining tanan nagmalampuson tungod sab sa maayong panerbisyo sa mga buhatan sama sa PHO , PSWDO ug uban pa sa pag pahigayon sa programa sa pag hatag ug sinsero nga serbisyo alang sa mga katawhan.
(Source: PHO-MisOr | Misamis Oriental Provincial Information Office Facebook page)