Patay ang usa ka lalaki human kini madisgrasya sa iyang gi manihong motor niadtong Mierkulis, Marso 23, 2022 alas 5 ang takna sa kahapunon didto sa Barangay Tutua, Sulangon, Dapitan City.
Giila ang maong biktima nga si Ronald Dagpin Denila, 24 anyus, ulitawo, lumulopya sa Sitio Bitoon, Barangay Burgos, sa maong syudad.
Matod pa sa mga nakasaksi sa maong panghitabo, daw kusog ang dagan sa gisakyan sa biktima ug kalit mi sayaw ang gi manehong motorsiklo nga MIO I125, color pink ug mi resulta kini sa iyang pagka disgrasya, hinungdan nakabsan kini sa iyang kinabuhi.
Dugang pa niini, ang biktima anaa sa impluwensya sa ilimnonh maka hubog human kini makig inom didto sa Barangay Antipolo sa nahisgutang syudad.
Subay sa taho sa kauban niini, ga-inom ang biktima uban sa iyang mga higala, dayon mibiya ug mi-uli kini para mag tula sa iyang mga hiniktang manok. (Rigin O. Rusiana)