Isip resulta sa Gipakusog nga Law Enforcement Operation gipahigayon niadtong Disyembre 29, 2021 sa Brgy. Gokotan, Pikit, Cotabato, operating units sa PRO 12, ubos sa pagpangulo ni PBGEN. ALEXANDER C TAGUM, Nasakmit ang kapin sa 400 ka unit sa nagkadaiyang mga motorsiklo.
Mga alas 3:00 sa kaadlawon sa nasangpit nga petsa, natapok ang hiniusang puwersa PRO-12 ni PBGEN. TAGUM nga magsilbi og Warrant of Arrest batok kang Joel Manampan a.k.a. Maula Manampan tungod sa kasong krimen sa pagpatay, usa ka Most Wanted Person uban sa monetary reward nga ₱ 175,000.00 ug gikataho nga nagpuyo sa nahisgutang dapit.
Sa pag-abot sa nasangpit nga lugar, sila gipusil sa subject ug uban pa nga wala mailhi mga grupo nga miresulta sa usa ka panagsangka.
Tungod niini, upat ka mga PNP personnel ang nasamdan ug lima ka mga gidudahang grupo ni Joel Manampan giila nga sila Badrudin Masulot Dalid, Mudgiahed Saligan Hamsa.
Na-neutralize sila Arbaya Dalid Panisares, Asraf Dalid Masulot ug Bunta Kabunto.
Sa laing bahin, si Mohidin Dalagonan Mantok gidakop tungod sa illegal possession sa mga armas.
Atol sa paghawan sa lugar, ang operating unit nakadiskubre og kapin sa 400 units sa nagkalain-laing mga motorsiklo nga gitago sulod sa usa ka makeshift bodega ug lain-laing Mga sangkap sa IED.
Ang mga samaron nga personahe dali nga gidala sa labing duol nga balay tambalanan alang sa medical nga interbensyon ug ang mga patay lawas sa mga suspek giturn-over sa ilang tagsa-tagsa ka pamilya alang sa Islamic Funeral Customs.
Narekober sa lugar nga nahitaboan ang kapin sa 400 ka unit sa mga motorsiklo, ug lainlain mga sangkap sa IED ug armas. Human niini, ang mga narekober nga motorsiklo gibalik ngadto sa Cotabato Police Provincial Office ground sa Amas, Kidapawan City samtang lain-laing mga sangkap sa IED ug armas ang giturn-over sa Regional Forensic Unit.
Estrikto si PBGEN TAGUM sa iyang gipakusgan nga pagpatuman sa Oplan: IRON CLAD Region XII nga nagtumong sa pagpugong sa mga panghitabo sa mga krimen ug pagsiguro sa kaluwasan ug seguridad sa atong mga komunidad.
“Ang dili matarug nga pasalig ug dedikasyon sa PRO 12 sa katungdanan usa ka pagpakita nga kami seryoso sa pagwagtang sa tanang matang sa kriminalidad ug ilegal nga kalihokan sa atong komunidad. Hinaot nga kini magsilbi nga usa ka pasidaan sa tanan nga mga masinupakon sa balaod, kay wala kini ginatugotan, and will face the charges that they deserve,” tipik ni PBGEN TAGUM. (GP)
(Source: Police Regional Office 12)
