General Santos City – Padayon pa karon nga ginasuta sa Police Station 3 kung si kinsa ang nanag-iya sa usa ka long firearms nga una nang nakaplagan sa sagbutan nga bahin sa may Nursery Road, Barangay lagao GenSan alas 8:50 sa gabie niadtong nakalbayang adlaw.
Nasayran nga una nang nakadawat ug impormasyon ang kapulisan gikan sa nagpakabanang residente bahin sa usa ka armas nga nakit-an sa sagbutan nga bahin daplin lang sa dalan sa maong lugar.
Gilayon man nga girespondihan ang report ug didto nakit-an ang usa ka improvised long firearms nga walay serial number. Nakaplagan usab ang duha ka mga bala sa 12-gauge shotgun.
Posibleng gilabay sa lugar ang maong armas sa wala pa mailhing nanag-iya niini.
Nakatakdang ipailawom sa ballistic examamination ang maong armas aron masuta kung gigamit ba kini sa iligal. Samtang nagpahigayon nag imbistigasyon ang kapulisan sa area asa nakit-an ang armas sa pamasin nga adunay nakakita sa tawong mibilin niini didto sa lugar.
