Giimbitahan sa City Environment and Natural Resources Office sa GenSan ang mga opisyal sa Barangay Sabgguniang Kabataan ug mga youth organization sa gitigayong Youth Climate Change Action Planning milabay nga adlaw.
Sa nasampit nga panagtigom gipasalamatan ni CENRO Head Allan Marcilla ang mga buhatan sa Youth Affairs and Development Office kon YADO ug ang City Federation sa Sangguniang Kabataan sa pagtubag sa ilang tawag alang sa panagtigom.
Gihisgutan sa planning ang kaeantangang kahimtang sa General Santos ug Sarangani Bay sa hisgutanang pangkinaiya, mga hinungdan sa pagkaguba ug ang mga buluhaton aron mapugngan kini, Eco-Disaster Risk Reduction Management, ug pagbinayluay sa mya best practices sa pag-alima sa kinaiyahan.
Natapos ang panagtigom sa pagsumite sa mga youth organization sa nagkadaiyang mga sugyot nga mga programa alang sa kinaiyahan nga gipasalamatan ni Marcila ug nagpasalig nga makig-alayon aron mamugna ang mga nasampit nga mga sugyot sa kabataan.
Sa mga musunod nga adlaw, gikatakdang magpatawag usab og laing panagtigom ang CENRO alang sa pagmugna sa GenSan Youth for Environment Network nga mamahimong kauban sa CENRO sa pagpanghatag sa insaktong mga kaalam bahin sa kinaiyahan ug sa pagmugna sa mga aktibidad alang sa gihapon sa kinaiyahan.