General Santos City – Arestado ang amahan nga suspek sa pagpanglugos sa iyahang anak nga giilang si Alias Lito, 33 anyos nga residente sa Brgy. San Isidro ning dakbayan sa GenSan.
Sumala kang Police Lt. Danny Balofinios, Deputy Station Commander sa Police Station 4 nga daan ng may kasong lugos ang suspek sa ilahang buhatan apan wala pa napagawasan ug warrant of arrest rason nga wala kini na-aresto.
Apan niadtong Pebrero 28 dihang nagsumbong ang biktimang si Alias Grace, 14 anyos human kining subli nga gihilabtan rason nga na-respondihan ug nadakpan.
Dugang pamahayag ni Police Lt. Balofinios nga subay sa imbestigasyon, naga-trabaho ang inahan sa biktima rason nga nakahigayon ang amahan sa pag-among-among sa iyahang anak sulod sa halos pito ka tuig.
Saysay niini nga base sa pamahayag sa amahang suspetsado, aminado matud pa kini nga iyahang ginahilbtan ang iyahang anak.
Atol sa pagsikop sa suspek, nakuhaan matud pa kini ug illegal nga droga kung asa kasong pagsupak sa R.A 9165 ug kasong rape ang gipansang-at batok sa nahisgutan.
Nanawagan man usab si Police Lt. Balofinios ngadto sa mga kabataan bisan kinsa nga biktima sa pagpangabuso nga gilayong mag-report ngadto sa kapulisan.
Pamahayag niya nga sila sa kapulisan, ilahang mas ginapakusgan ang information dessimination ngadto sa ilahang mga ginsakupan nga dili mahadlok magsumbong sa otoridad.