Mukabat sa halos 59,841 ka indibidwal ang nakabenipisyo human nga nakapa-enrol sa mga kurso nga gitanyag sa Technical Education and Skills Development Authority (TESDA) sa Rehiyon-12 sa nakalabayng tuig 2021.
Ang maong ihap mas taas ug 114% sa target sa ahensya sa nakalabyng tuig.
Samtang apil sa direkta nga nakabenepisyo sa skills development courses sa TESDA-12 ang mukabat sa 18,302 ka indigenous people; 12,002 ka mga trabahante sa Build, Build, Build program sa national government; 966 ka mga kanhing rebelde; 395 ka mga reforming drug dependents; 224 ka priso; ug 681 ka kanhing mga OFW.
Nakabenepisyo usab sa mga kurso sa TESDA 12 ang 7,988 ka mga biktima sa kalamidad, 3,040 ka mga 4Ps beneficiary; 2,321 ka mga senior citizen; 1,594 ka agrarian reform beneficiary, ug daghan pa.
Punto ni TESDA 12 Regional Director Rafael Abrogar II nga magpadayon ang ahensya sa pagpaabot sa mga lumulupyo sa gikinahanglan nila nga serbisyo bisan may bahad sa pandemya.
Nagpasalamat usab siya sa mga partners ug mga technical and vocational education and training stakeholders nga gilangkuban sa mga technical and vocational institutes, industry partners, mga lokal nga panggobyerno, national government agencies, congressional partners, men in uniform, ug uban pa.
(Source: TESDA Region 12)
