Duterte nakiramay sa isang yumaong police general

Nakiramay si Pangulong Rodrigo Duterte sa pamilya ng yumaong si retired P/Gen. Francisco Villaroman.

Ito ay matapos na pumanaw si Villaroman kamakailan, dahil sa sakit na colon cancer sa edad sa 64.

Bumisita ang Pangulo sa burol ni Villaroman sa Davao Cosmopolitan Memorial Chapel kagabi, January 17.

Magugunitang si Villaroman ay isa sa security at anti-terrorism consultant ng Pangulo at naging Regional Director ng Philippine National Police (PNP) noong taong 2010 hanggang 2011.