- Advertisement -
Hindi interesado si Pangulong Rodrigo Duterte sa gagawing pagdinig ng Senado hinggil sa franchise renewal ng ABS-CBN network ngayong araw.
Ito ang inihayag ni Presidential spokesperson Salvador Panelo, kaya malaki aniya ang posibilidad na hindi ito magmonitor sa nabanggit na pagdinig ng Senate Committee on Public Service.
Ayon kay Panelo, maraming trabaho ang pangulo na kinakailangan nitong unahin kaysa sa panonood ng hearing.
Kasabay nito, iginiit ni Panelo na walang kinalaman ang Palasyo sa paghahain ng quo warranto petition ni Solicitor General Jose Calida laban sa ABS-CBN.
Sinabi ni Panelo, trabaho na aniya ito ng Solicitor General at hindi rin makikialam ang pangulo sa usapin.
- Advertisement -