Nagsugod na ang police augmentation gikan sa Police Regional Office- Northern Mindanao sa syudad sa Cagayan de Oro aron sa pagtabang sa local police pagseguro sa kalinaw, kahapsay ug kalampusan sa usa ka bulan nga pagpahigayon sa Higalaay Festival. Matud pa ni Police Major Evan Viñas ang spokesperson sa Cagayan de Oro City Police Office nga ang maong dugang pwersa sa kapolisan ipakatag sa kadalanan sa matag Higalaay Festival activity.
Ang local nga kagamhanan nagapagula na sa schedule of activities alang sa entiro nga bulan sa Agosto sa Kapistahan ni St. Augustine, ang patron sa syudad.
Maoy giaprobahan sa PRO-Northern Mindanao ang pagpa-augment sa 150 ka mga personahe sa kapolisan matag core activity.
Gidugang sa pagsugilon ni Viñas nga walay gitugtan nila nga mag-apply sa leave of absence ning bulana tungod kay ang entire police fore i-utilize man sa Higalaay Festival. Strikto nga pagpatuman sa checkpoints ug security inspections ang gimando aron maseguro nga walay daotang element ang makalighot sa syudad.