General Santos City – Walay pagtaas sa presyo sa mga noche buena products sa dakbyan sa GenSan, kini ang gibutyag ni Marvin Genita, Acting Division Chief sa DTI GenSan.
Subay matud pa sa monitoring sa DTI nasyunal adunay mga noche buena products nga nagpabilin sa ilahang presyo smatang uban ang mas nagpa-ubos ug presyo.
Sa karon, wala matud pa silay mga nakit-an nga mga namaligya nga adunay mas taas nga presyo sa Suggested Retail Price.
Samtang sa mga christmas light, hugot matud pa ang pagmonitor sa DTI kung asa kinahanglan adunay PS mark o dili ba kaha ICC sticker para sa mga imported nga christmas light.
Sumala kang Genita nga base matud pa sa ilahang monitoring hilabina nga padulong na ang Pasko, tanan matud pa nga naninda ug christmas light ang compliant sa ilahang regulasyon ug wala pa silay nadakpan nga namalgiya nga dili pasok sa product standard o walay ICC sticker.
Awhag man usab niini nagdto sa tanang konsyumante nga siguraduon nga adunay PS mark o ICC sticker ang mga Christmas lights nga paliton kung asa kini ang nakapasa sa Philippine National Standard.
Pinaagi matud pa niini, mas makalikay sa sunog gumikan usa gyud sa mga hinungdan sa sunog matag bulan sa Disymebre mao ang mga Christmas lights.
Pagpaklaro niini nga isip mga konsyumante, aduna matud pa kita’y mga katungod apan aduna usab mga responsibilidad pinaagi sa pagsiguro nga adunay kalidad ang mga produkto nga paliton ug sutaon usab ang mga presyo.
(Source: DTI Gensan)