Sa pipila ka semana nga pagpangandam sugdan na ang Central Visayas Regional Athletic Association (CVIRAA) meet karong adlawa Mayo 4, 2024.
Ang opening ceremony didto ipahigayon sa Festival Grounds sa South Road Properties (SRP), karong alas 6:00 sa gabii.
Tambungan kini sa kapin sa 12,000 ka mga deligado nga gikan sa 20 ka mga school divisions sa Rehiyon -7.
Muadto ang mga opisyalis sa dakbayan sa Sugbo, mga Schools Division Superintendent, DepEd -7 Director Dr. Salustiano Jimenez ug kapulisan.
Ang mga sangka sa dula naglangkob sa swimming, archery, arnis, badminton, baseball, basketball (3×3 ug 5×5) billiards, boxing, chess, dancesport, football, futsal, gymnastics, pencak silat, sepak takraw, softball, table tennis, taekwondo, tennis, volleyball, wrestling, ug wushu.
Sa kinatibuk-an adunay 1,362 ka mga bulawang medalya ang madawat sa mga mananaog sa maong sangka.
Samtang ang kapulisan usab mupatuman sa hugot nga seguridad ning CVIRAA 2024 aron masiguro nga luwas ug hapsay ang dagan niini ug walay krimin nga mutumaw. (Renante Socia Lada)
