Human naka rekober sa patient 58 mibutyag si Dr. Esmeralda Nadela, ang Acting Hopsital Adiministrator sa Zamboanga del Norte Medical Center (ZNMC) nga adunay 24 ka pasyente ang na-isolate sa maong tambalanan.
Kini mao ang moderate to severe nga mga pasyente, diin 13 niini ang kompirmadong nagpositibo sa COVID-19, 4 ang severe ug 2 niini ang intubated o gitauran ug tubo para ginhawa, 1 ang nag-negatibo sa reswab ug 1 ang gidala na sa Olingan kagahapong adlawa.
Ang uban niini naghulat pa sa resulta sa swab.
Gibutyag usab ni Dr. Nadela nga adunay unom ka hospital workers sa Zamboanga del Norte Medical Center ang nagpositibo karon sa COVID-19, kinsa ang 3 niini anaa sa maong tambalanan ug ang tulo anaa sa isolation facilities.
Apan bisan paman ug nakakita nag kahayag ang probinsiya sa paspas nga recovery sa mga paseyente sa Covid-19, subo na usab ang nabati karon sa mga katawhan ilabina sa medical frontliners tungid sa 11 na usab ka positibong kaso sa maong balatian ang nadugang sa tala sa lalawigan.
Subling nagpahimangno si Dr. Nadela sa publiko aron malikayan ang pagkuyanap sa COVID-19, magpundo lamang sa balay kung walay importanteng tuyo sa gawas, batasanon ang paghugas sa kamot gamit ang sabon ug tubig o dili ba mogamit sa alcohol ug hand sanitizer, kanunay magsuot sa face mask ug face shield, magmintinar sa social distancing kung anaa sa pampublikong lugar.
(Provincial Information Center-mbmontederamos, photo credits to Dr. Esmeralda Nadela)
