Malampusong gipahigayon sa Kagamhanang Lokal ning dakbayan ang “Updates on Swine Raising Activity” kaniadtong Nobyembre 18, ning tuiga didto sa Top Plaza Hotel, ning dakbayan sugod sa may alas-8:00 ang takna sa buntag. Ang maong kalihokan ang gipangunahanan sa buhatan sa City Veterinarian ubos sa pagdumala ni City Veterinarian, Dra. Imelda R. Villacrucis, uban sa pakigtambayayong sa Univet Nutrition and Animal Healthcare Company (UNAHCO), Inc., kinsa maoy mi-“sponsor” usab sa maong aktibidad.
Tumong sa maong kalihokan nga mahatagan ug kahibalo ang mga partisipantes kabahin sa “basic swine management” kon pagpamuhi og baboy lakip na ang paghatag og mga “updates” sa sitwasyon sa African Swine Fever dinhi sa nasod. Nasayran nga kwarenta’y nuwebe (49) ka mga “backyard swine raisers” gikan sa baynte uno (21) ka barangay dinhi sa dakbayan ang mitambong sa maong kalihokan.
Mitambong usab sa maong kalihokan si City Mayor Darel Dexter T. Uy, kinsa mipabati sa iyang mahinungdanon nga mensahe kabahin sa insaktong pag-amuma sa baboyan lakip na ang pagbantay sa hulga sa African Swine Fever (ASF). Anaa usab sila si City Veterinarian, Dra. Imelda R. Villacrucis, UNAHCO, Inc. Nutritionist, Ms. Remilyn Fajardo Mina, Livestock Inspector III, Mr. Reuben N. Regencia ug Ms. Normelinda Merlyn O. Madera gikan sa City Veterinarian Office, kinsa mihatag sa ilang mga mensahe ug “lectures” atol sa kalihokan.
Aduna usa’y gipahigayon nga pag-organisar sa Dipolog City Hog Raisers’ Association, diin nanumpa ang mga bag-ong opisyales niini: President – Leonilo N. Ybañes, Vice Presidents – Nemie M. Calibo ug Lea C. Tan, Secretaries – Marilyn B. Oden ug Alma A. Rubio, Treasurer – Marie Antoniette Go-oc, Public Relations Officers: 1. Linda Martus (Sta. Isabel), 2. Marivic Z. Kagatan (Sinaman), 3. Junie C. Lagunero (Cogon) 4. Felix T. Enderez (Diwan), 5. Maricar Pagahanas (Sta. Filomena), 6. Rodolfo Geduriagao (Lugdungan), 7. Elsa Autentico (San Jose), 8. Teofilo Burbano (Olingan), 9. Prudencio Enojo Jr. (Gulayon), 10. Allan Magsanay (Minaog) ug 11. Josephine Navoa (Turno).
Natapos ang maong kalihokan pinaagi sa pagpanghatag og papremyo sa mga partisipantes sa gipahigayon nga “raffle draw” ug pagkuha’g mga hulagway niini.
(Source: City Information Office | Dipolog City Government Facebook page)
