Mipaabot og courtesy visit ang Philippine National Police (PNP) Drug Enforcement Group kang City Mayor Roberto Y. Uy sa iyang opisina niadtong Setyembre 14, 2026, isip kabahin sa pagpalig-on sa koordinasyon sa kampanya batok sa ilegal nga droga sa Dakbayan sa Dipolog.
Gipangulohan ang delegasyon ni Police Lieutenant Mon Jhay Ditchon, Team Leader sa Special Operations Unit Intelligence and Operations Section 9 (SOIS9), uban sila Police Corporal Sandra Lon De Castro, Police Apprentice Roselyn L. Mamba, ug Police Apprentice Jhon Kevin Alatan.
Nahimong higayon ang maong courtesy visit aron mapalig-on ang kooperasyon ug koordinasyon tali sa PNP Drug Enforcement Group ug sa City Government of Dipolog sa pagpatuman sa mga lakang batok sa ilegal nga droga.
Gipasiugda usab sa pagbisita ang kamahinungdanon sa hiniusang paningkamot sa mga ahensya sa gobyerno ug lokal nga pangagamhanan alang sa pagmintinar sa kalinaw, kahapsay ug kaluwasan sa publiko sa dakbayan.
Nagpadayon ang koordinasyon tali sa duha ka panig aron masuportahan ang mga programa ug operasyon nga nagtumong sa pagpanalipod sa komunidad batok sa hulga sa ilegal nga droga.(IKEN B. GULLEM)
Source: Dipolog City Government