Thursday, June 20, 2024

Dipolog: Nagkalain-Laing Proyekto Padayong Gibubo Sa Dakbayan

- Advertisement -

Bisan pa man nga ania pa kita sa pandemya, apan wala gihapo’y hunong ang pagbubo sa mga nagkalain-laing proyekto ang kagamhanang lokal ning dakbayan ngadto sa mga nagkalain-laing dapit dinhi sa siyudad.

Visit RPN DXKD Dipolog

Mao kini ang nasayran base sa giluwatang Monthly Project Status Report kabahin niini pinaagi na sa buhatan sa City Engineering nga pinetsahan og Nobyembre 9, ning tuiga pinirmahan ni City Engineer Susan B. Ualat.

Sigun sa makita gikan sa maong monthly report, nga padayon ang pagtrabaho sa mga nagkalain-laing proyekto, ma-ginagmay man o dinagko pinaagi sa administrasyon, aron gayud masiguro ang paspas nga pagtrabaho niini ug mapahimuslan dayon sa atong mga katawhan.

Lakip ning mga gihisgotang proyekto mao ang padayong pagtukod sa:

A) 20 ka mga core houses didto sa Laoy Relocation Site, sa Barangay Olingan, nga gipahatan sa 450 mil ka pesos, kansang pondo ang naga-gikan sa 2019-20% Dev’t. Fund/Relocation of Informal Settlers;

B) Pagkomponi sa Drop-In Center didto sa Barangay Sta. Isabel nga gipahatan usab of 230 mil ka pesos, kansang pagtrabaho ang anaa na sa 50%

C) pagkomponi sa BJMP Building didto sa Dipolog City Jail nga gipahatan usab og 140 mil ka pesos, nga anaa na sa 70% ang kahimtang sa pagtrabaho niini ug

D) pagkomponi sa pansayan sa Dipolog City Eco-Learning Center nga aduna usa’y pahat nga 180 mil ka pesos.

Gawas niini, padayon usab ang Re-gravelling sa mga nagkalain-laing barangay roads dinhi palibot sa dakbayan, partikular na sa mga barangay sa Gulayon, Sta. Filomena, ug Olingan nga gipahatan usab og tunga sa milyon ka pesos (₱ 500,000), diin anaa na sa 85% ang pagtrabaho niini: ug Rehabilitation of Concrete roads lakip na sa ameniites niini (seal coating, asphalting) nga gipahatan usab og Usa ug tunga sa milyon ka pesos (₱ 1,500,000) nga anaa na usab sa 30% ang pagtrabaho niini. Samtang nagpadayon usab ang pagpanghimo og mga drainage canals partikular sa Martinez Village, Turno padulong sa Miputak creek nga adunay pahat nga kapin sa tulo ka milyon ka pesos (₱ 3,250,000), Bajamunde, Egot, Estaka sa pahat nga 793 mil ka pesos ug sa Purok D’ Beach sa Barangay Sicayab sa kantidad usab nga 250 mil ka pesos.

Sigun sa dugang nasayran nga ang kagamhanang lokal ning dakbayan ilawom sa liderato ni City Mayor Darel Dexter T. Uy ang padayon gihapong mipatuman sa mga nagkalain-laing mehoras alang sa mga katawhan, bisan pa man sa nagpabilling hulga sa pandemya, tungod kay nakita niini nga kining maong mga proyekto ang gikinahangalan sa atong mga katawhan dinha sa mga kabaranggayan, ug dili himoong babag ang pandemya dinha sa pagpatuman sa mga proyekto alang sa kaayohan sa kinabag-ang mga katawhan.

(Source: Dipolog City Government Facebook page)

- Advertisement -

Leave a Reply

- Advertisement -

Related Articles

- Advertisement -
- Advertisement -spot_img

Latest Articles

- Advertisement -