Mokabat sa 45 ka mga mag-uuma sa lubi sa lungsod sa Polanco, nakadawat og financial assistance gikan sa Philippine Coconut Authority kun PCA. Ang pay out kun pag panghatag sa ayuda gipahigayon sa function hall sa balay lungsod niadtong imaging semana.
Kini gisugdan pinaagi sa usa hamubong programa nga gitambong sa pipila ka kadagkuan sa PCA sama kanila ni acting senior agriculturist Antonio Soria, Sr., ug municipal PCA officer  Annaliza Emiasi. Mitambong usab sa maong kalihukan si mayor Evan Hope Olvis ug ang besi mayor.
Nasayran nga ang maong pahalipay programa sa PCA ubos sa incentivized coconut planting ug replanting. Diin ang magpakadawat niini mao ang mga mag-uuma sa lubi kinsa nag padayon sa pag tanom sa lubi gamit ang kaugalingong binhi. Ang kada beneficiary nakadawat sa kantidad nga ₱ 5,720 ka pesos.
Ang maong kantidad maong isip pasi-una lamang sanglit aduna pa silay dawaton sa ikaduhang hugna nga mo balor sa ₱ 6,435 matag ektarya. Kini malagmit ilang madawat sa bulan sa Enero sunod tuig. Sumada total maka angkon ang mga mag-uuma sa lubi og ₱ 12,155.