Mokabat sa dos mil uno ka mga Polancohanon kinsa beneficiary sa assistance individual in crisis situation kun AICS, ang nakadawat sa tag tres mil pesos matag usa sa imaging adlaw. Kini gipahigayon sulod sa Polanco Central School covered court diin gitambongan sa mga opisyal sa lungsod sa Polanco pinangulluhan ni Mayor Even Hope Olvis.
Diha usab sa nahisgutang kalihukan, ang mga tinugyanan sa DSWD pinanguluhan ni Asec Jane Jamolod uban ni MSWDO Ms. Jay Sebastian. Sila maoy nangulo ug nag pasiugda sa naasoy’ng kalihukan.
Silang tanang nga mga tinugyanan sa kagamhanan nagka hugpong pag suporta sa jprograma sa kagamhanang national pinaagi ni presidenti Rodrigo Duterte ug senator Bong Go. Tinguha niini nga ma tabangan ang mga katawhan kinsa apektado niining krisis sa pandemic sa covid-19.
Sa mensahe ni representative Romeo Jalosjos, Jr. sa unang distrito ning lalawigan, maong na ningkamot sa pag follow up sa maong mga ayuda, iyang gipabati ang dakong pasalamat ni presidenti Duterte ug senator Go sa pag lugway sa AICS diin daghan sa mga katawhan sa unang distrito ang natabangan.
Samtang sa mensahe ni mayor Olvis, dako niyang kalipay nga napahigayon na gayod ang pag panghatag sa ayuda nga AICS gikan sa kagamhanang national. Iyang gi saysay nga sa pag balik niyag lingcod isip mayor lungsod, nag padala siyag sulat ngadto kang presidenti Duterte sa pag pangayo og financial assistance alang na sa katawhan sa Polanco. Gipanghinaut lasmang niya nga ang maong hinabang nga nadawat gamiton sa husto ug ipamalit kun unsa man ang angay alang sa pamilya.