Thursday, May 23, 2024

Dipolog: Community outreach sa Barangay Pian, Polanco malampuson

- Advertisement -

Lain na usab nga community outreach, serbisyo caravan ngadto sa katawhan sa barangay Pian lungsod sa Polanco, ang malampusong gipahigayon sa miaging semana.

Visit RPN DXKD Dipolog

Unang gilugway  ang serbisyo medical sa Rural Health Unit, pinaagi sa mga  doctors, Dr. Frances Choi Olvis Bantilante, Dr. Patricia Quema ug dentist Dr. Annabelle Olvis. Nag lakip sa maong serbisyo caravan, ang libreng konsulta medical, tuli sa mga pisot, ibot ug fluoride sa mga ngipon, pag bakuna batok covid-19, ug pang hatag sa tambal, toothpaste ug sabon pang kaligo.

Diha usab sa maong kahihukan ang mga tinugyanan sa buhatan sa Municipal Welfare and Development Office pinaagi nila ni Sheryl Aguinaldo ug Ermelinda Munton nga nagdala Milo, gatas ug itlog diin gipang feeding sa mga kabataan, nanghatag face mask alang sa tanan.

Anaa usab ang buhatan sa  Agriculture, pinaagi  nila ni agriculturist Ronie Gonzales ug Rosalinda Commodas diin nanghatag binhi sa mga utanon. Sama sa Pechay, Okra, Talong ug kamatis. Nanghatag usab sila’g organic fertilizers.

Pagka udto, dihay gi andam nga pagkaon gi salohan sa tanan. Sanglit ania pa kita sa covid-19 pandemic, hugot gayud nga gi patuman ug gi  sunod ang health protocols diin tanan nag suot sa face mask ug nag observed sa social distancing.

Pagka human sa paniudto, gi sunod dayon ang pag pang-apod-apod sa mga relief goods nga adunay tulo ka kilong bugas, duha ka beef loaf, duha ka sardinas, ug tulo ka putos sa noodles. Aduna usab  tagsa ka pack nga goddess para sa kabataan ug lamian nga ice cream para sa tanan.

Subay niini, kinasing-kasing nag pasalamat si barangay kapitan Harris Valdes ngadto na kang mayor Evan Hope Olvis  sa pag dala sa community outreach caravan, community outreach serbisyo caravan ngadto na sa ilang barangay. (RYAN UY, RPN DXKD Volunteer)

- Advertisement -

Leave a Reply

- Advertisement -

Related Articles

- Advertisement -
- Advertisement -spot_img

Latest Articles

- Advertisement -