Malampusong gipahigayon ang “Ceremonial Distribution of Incentive Checks” ngadto sa mga mag-uuma ug mag-uuma sa lubi (coconut farmers) partikularmente na ang mga benepisyaryo sa “Crop Diversification (banana)” ug “Rejuvenation thru Fertilization (RTF)” isip mga partisipantes sa “Incentivized Coconut Planting and Replanting Projects” kaniadtong Nobyembre 17, ning tuiga didto sa Diwan Covered Court, Brgy. Diwan, ning dakbayan sugod sa may ala-1:00 ang takna sa hapon.
Ang maong kalihokan ang gipahigayon ilawom sa “Expanded PCA Response To COVID-19 Program” ug gipangunahan sa Philippine Coconut Authority (PCA) – Zamboanga del Norte Provincial Office uban sa pagkigtambayayong sa buhatan sa City Agriculture.
Ang nasangpit nga kalihokan ang gitambongan nila ni City Mayor, Darel Dexter T. Uy, Diwan Punong Barangay, Hon. Rosebeth B. Turno, City Agriculturist, Engr. Kerr N. Porlas ug Philippine Coconut Authority – ZDN Provincial Manager, Ms. Bihildis A. Quezon, kinsa mipabati sa ilang tagsa-tagsa ka mga mensahe ug milugway sa mga tseke uban ni Philippine Coconut Authority – ZDN Provincial Senior Agriculturist, Mr. Antonio C. Soria Jr. atol sa maong kalihokan.
Nasayran nga ang mga benepisyaryong mag-uuma sa lubi ug mag-uuma ang nagagikan sa Brgy. Diwan (41), San Jose (1), Sinaman (2), Sangkol (2), Cogon (2), Lugdungan (14) ug Dicayas (21) alang sa “Crop Diversification (banana)” ug makadawat sa insentibo’ng mikantidad sa ₱ 5,000.00 ka pesos matag usa. Samtang gikan usab sa Brgy. Diwan (10) ang mga benepesyaryo alang sa “Rejuvenation thru Fertilization (RTF)” ug makadawat sa insentibo’ng mikantidad usab sa ₱ 2,000.00.
Sumala pa niini, gikinahanglan sila nga makapananom ug maka-“stabilize” og 200 ka piraso’ng “banana suckers” ilawom sa kalubihan alang sa “Crop Diversification” samtang gikinahanglan usab maka-“apply” og 20 bags nga “Coconut Coir-based Organic Fertilizer” ang mga benepesyayong mag-uuma sa lubi alang sa “Rejuvenation thru Fertilization (RTF)”.
(Source: City Information Office | Dipolog City Government Facebook page)
