Nagtingkagol karon sa prisohan homan masikop ang usa ka drug watchlisted sa pagpayuhot sa ilegal na drugas atol sa gihimo nga operasyon sa mga personahe sa kapulisan mga alas 10:30 sa buntag niadtong Septiyembre 6, 2026, mga alas 10:30 sa buntag,didto sa Purok Mahogany, Barangay Lawigan, Labason, Zamboanga del Norte.
Ang maong dinakpan nga suspek naila nga usa ka 33-anyos nga lalaki kinsa nadakpan sa akto nga nagsuyop ug shabu sa mga personahe sa Municipal Drug Enforcement Team (MDET) sa Labason Municipal Police Station (MPS), isip lead operating unit.
Atol sa operasyon nakuha gikan sa suspek ang nagkadaiyang heat-sealed transparent plastic sachet nga adunay sulod sa gituohang shabu nga mutimbang sa usa ka gramo nga adunay gibanabana nga standard drug price nga P6,800.00.
Ang pag imbentaryo sa mga nakumpiska nga butang gihimo sa dapit sa pag-aresto atubangan sa nadakpan nga suspek, sa Barangay Chairman sa Barangay Lawigan, ug usa ka representante sa media.
Gipahibalo ang suspek sa hinungdan sa iyang pag-aresto ug mga katungod sa konstitusyon sa usa ka pinulongan nga hingpit niyang nasabtan ug gidala sa Labason District Hospital alang sa pisikal ug medikal nga eksaminasyon.
Ang nakumpiska nga gidudahang ilegal nga droga isumite sa Zamboanga del Norte Provincial Forensic Unit – Satellite Office, Liloy, Zamboanga del Norte, alang sa qualitative ug quantitative nga eksaminasyon ug angay nga legal nga proseso.
Samtang ang dinakpang suspek anaa karon sa temporaryo nga detensyon sa Labason MPS alang sa hustong disposisyon.(MEDALYN U. BORJA)