Wala na maka-iskapo sa kamot sa mga tinugyanan sa balaod homan masikop ang usa ka Top 7 Most Wanted person Municipal Level atol sa gipatoman nga hiniusang intelligence-driven law enforcement operation kalabot sa Focus Police Operation niadtong Septiyembre 7, 2026, mga alas 4:50 sa hapon, didto sa Purok Mahogany, Barangay Poblacion Alto, Sergio Osmeña, Zamboanga del Norte.
Ang maong dinakpan nga wanted person naila nga usa ka 33 anyos nga babaye nalista isip Top 7 Most Wanted Person,kinsa gidakop pinaagi sa mga personahe sa Dipolog City Police Station (CPS), isip lead unit, uban sa mga personahe sa Sergio Osmeña Municipal Police Station (MPS), pinasikad sa Warrant of Arrest alang sa 25 ka ihap sa Falsification of Commercial Document, nga gi-isyu sa Presiding Judge sa Municipal Trial Court in Cities, 9th Judicial Region, Branch 2, Dipolog City, nga gipetsahan Septiyembre 7, 2026 nga adunay girekomendar nga piyansa nga P900,000.00 alang sa temporaryong kagawasan.
Ang dinakpan nga wanted person anaa karon sa kustodiya sa Dipolog CPS alang sa hustong disposisyon ug angay nga proseso sa korte.(MEDALYN U. BORJA)
Source: ZNPPO