Dakpan ang usa ka 29 anyos nga Street Level Individual (SLI) atol sa gikasa nga buy-bust operation sa mga personahe sa kapulisan mga alas 4:09 sa buntag niadtong Septiyembre 6, 2026,didto sa Purok Palaran, Brgy. Cawa-cawa, Dapitan City, Zamboanga Del Norte.
Ang maong dinakpan naila nga usa ka lalaki,ulitawo, walay trabaho ug residente sa nahisgutang lugar, nalista nga usa ka Street Level Individual sa Illegal Drugs watchlist sa Dapitan CPS, tungod sa paglapas sa Republic Act No. 9165, kon Comprehensive Dangerous Drugs Act of 2002, gidakop pinaagi sa mga operatiba sa Dapitan CPS.
Atol sa operasyon nasakmit sa mga awtoridad gikan sa dinakpan ang gibana-bana nga usa ka gramo sa gituohang shabu, nga gibanabana mobalor sa P6,800 uban sa nagkalain-laing mga gamit sa droga ug mga butang nga dili droga.
Ang suspek gipahobalo sa hinungdan sa iyang pagkadakop ug mga katungod ubos sa konstitusyon, lakip na ang Miranda warning, ingon man ang iyang mga katungod ubos sa Anti-Torture Act sa usa ka diyalekto nga iyang nasabtan ug kasamtangang gikustodiya na kini sa Dapitan City Police Station alang sa pagpasaka sa tukmang reklamo.
Samtang,ang tanang nakumpiska nga mga butang gi-imbentaryo ug gisumite sa Zamboanga del Norte Provincial Forensic Unit-9 alang sa chemical examination.(MEDALYN U. BORJA)
Source: ZNPPO