Balhog karon sa prisohan ang usa ka wanted sa kasong pagpanulis atol sa gikasa nga operasyon mga alas 9:30 sa buntag niadtong Septiyembre 7, 2026, didto sa Barangay Santo Niño, Katipunan, Zamboanga del Norte.
Naila ang dinakpan nga wanted person nga usa ka 42 anyos nga lalaki, kinsa gisikop pinaagi sa mga personahe sa Tracker Team sa Katipunan Municipal Police Station (MPS), uban sa mga personahe sa Tudela MPS sa bisa sa Warrant of Arrest sa kasong Pagpanulis ubos sa Article 293 sa Revised Penal Code, nga gi-isyu sa Presiding Judge sa Municipal Trial Court, Sinacaban-Tudela, Misamis Occidental, nga gipetsahan Septiyembre 4, 2026 nga adunay girekomendar nga piyansa nga P18,000.00 alang sa temporaryong kagawasan.
Ang dinakpan nga wanted person gipahibalo sa hinungdan sa iyang mga katungod sa konstitusyon ug gidala sa Rural Health Unit (RHU) sa Katipunan alang sa medikal nga eksaminasyon ug karon anaa na kini sa kustodiya sa Katipunan MPS alang sa hustong disposisyon ug dokumentasyon.(MEDALYN U. BORJA)
Source: ZNPPO