Nanumpa atubangan ni Mayor Darel Dexter ang bag-ong milingkod nga konsehal sa Brgy. Dicayas ning dakbayan sa Dipolog kagahapon sa buntag, Nobyembre 29, ning tuiga, sa may alas 9:00 ang takna.
Si konsehal Hermelo Sorronda ang mihulip sa nitaliwan nga konsehal sa nasangpit nga barangay nga si Guillermo Mercado kinsa mipanaw na sa laing kalibutan sa miaging bulan tungod usab sa pangidaron niini nga kapin sa 80 anyos.
Nasayran nga si Sorronda naka serbisyo na kaniadto sa Brgy. Dicayas isip barangay kagawad og sa wala pa kini natudlo nga maoy mopuli ni Mercado, siya usab ang naglingkod isip sekretaryo sa barangay.
Si Mayor Darel Uy ang mipadayag sa iyang pahalipay ngadto sa bag-ong natudlo nga konsehal uban sa pagpanghinaot nga makahatag kini sa iyang tinud-anay ug kinasingkasing nga serbisyo ngadto sa Brgy. Dicayas nga karon gipapangulohan ni Punong Barangay Tito C. Maligro.
(News and photo courtesy of Dipolog City Government Facebook page)
