Davao City – Nagtatag ng vaccination site ang Eastern Mindanao Command (EastMinCom) sa pamamagitan ng Naval Forces Eastern Mindanao and Health Service Center bilang suporta sa tatlong (3) araw na kampanya ng “Bayanihan, Bakunahan” na nagsimula kahapon, Nobyembre 29, 2021 hanggang Disyembre 1, 2021 sa Naval Station Felix Apolinario, Panacan, Davao City.
Layon ng mass vaccination sa loob ng kampo na makatulong sa lokal na pamahalaan para mapabilis na maabot ang herd community at mabakunahan ang ang mga hindi pa nababakunahan sa lungsod laban sa COVID-19.
Hindi lamang ang kabataan ang target mabakunahan ng nasabing programa kundi pati na rin ang mga dependents ng mga sundalo na may edad 12-anyos hanggang 17-anyos.
(Source: Eastern Mindanao Command, AFP)